當今社會頭腦精

科學引領先發明

手機拿來唱歌裡

歌群識得岸多人

有緣有份聚歌享

當今社會笑死人

手機拿來玩唔停

公婆感情變唔好

睡目都冇共頭眠

一人一頭到天明

當今社會氣死人

影片聊天好開心

你一部來涯一部

公婆倆人傷感情

手機真真系害人

當今社會真系差

有些男人唔顧家

屋卡老婆你唔顧

日日走上又走下

真真像條野豬家

當今社會多假情

老婆唔顧帶別人

別人老婆也有用

上圩走到下圩丁

這種女人系花心

當今社會古怪多

女人撈等唱山歌

男人唱歌聽唔出

女人唱歌罵公婆

咐樣女人十分傻

當今社會系唔差

城市建設好繁華

生活過得十分好

公婆感情也唔差

日夜同上又同下

當今社會真開心

到處都有車接人

出外旅遊十分好

一家大小笑盈盈

和諧美滿福滿庭