■林作昨日在現場見到Amber、Angus及Mangie，笑說好多都眼神殺死人。

蕭定一旗下的網上影音娛樂平臺「hmvod」明年開拍新片《#PTGF出租女友》，上週四於facebook專頁貼出穿上短裙露長腿女子的宣傳海報，公開招募大量新演員，更寫明「國泰、港龍及香港航空前從業員優先考慮」，並以50萬元片酬作招徠，似與無線本月舉行的空服選舉《衝上雲霄大選》打對臺。昨日《出租女友》在柴灣進行面試，除曾參與ViuTV真人騷《鬼同妳上位》的張若錡（Angus）及羅翠雯（Mangie）外，也有不少空姐來碰運氣，其中擁34D身材的Amber成為全場焦點，另32D的Shanne雖然包到冚，但她語出驚人，指不介意與林作拍全裸戲，而林作也現身表示欲面試一角。

向裕美備案

由於疫情第四波，大會今次面試亦嚴格遵守防疫規則，除入場要量體溫外，面試時更要戴口罩，導演鄭峰嵐表示預計挑選20至30個女演員。轉做保險的林作，表示是製作單位叫他來面試，他指自己的外表可能令人有錯覺，誤會他會找出租女友，他自爆事前已跟女友裕美備案：「佢叫我媾女都要專業啲，今日面試嘅女仔，雖然戴咗口罩，但見好多都眼神已殺死人。」他更說做藝術應該不介意性感尺度：「我試過喺廣東道裸跑，所以冇乜所謂，我想睇嚇可以點樣尺度再大啲，製作話要露毛，但唔夠過癮可以尺度大啲，任何藝術創作上有底線就唔系卓越嘅追求。」

周顯贊高質

面試者Amber擁34D身材，她打扮性感到場，即成為焦點人物，曾做過KOL及參與過拍攝工作的她，表示已有心理準備：「可以裸露，裸背部都得，但三點不露，覺得有啲嘢要留畀男朋友。」至於擁32D的Shanne曾任兩年空姐，也做過模特兒工作，由於被裁員所以來碰運氣，雖然她不接受三點盡露，但知可能與林作有對手戲，對方不介意全裸，Shanne笑說：「咁佢露前我露後都可以。」監製周顯表示參賽者質素高，但他強調電影是健康性感，因三點不露，故身材是次要，演技才是最重要。

■導演鄭峰嵐（左）預計為新片挑選數十個女演員，監製周顯強調演技最重要，身材是次要。