藝人馮盈盈現身《衝上雲霄大選》宣傳，席間激贊麥明詩的緋聞男友盛勁為，直認是畀面姊妹！而盛勁為自爆獲麥明詩教路要操弗身形，當晚會唱歌冧評判。

馮盈盈、鄭衍峰、何依婷與應屆港姐冠軍謝嘉怡等昨日出席《衝上雲霄大選》外景探班，跟15位參賽者見面。盈盈表示睇好麥明詩的緋聞男友盛勁為（Keith），問到是否因為麥明詩的關係？她笑說：「絕對系！而且佢之前上過《#年輕人傾嚇偈》，無論對答或者對鏡頭都好有經驗。」問到好姊妹可有交代過要好好關照Keith？盈盈說：「咁又冇，我好公正！當晚有才藝表演，睇嚇邊個畀到驚喜我。」

馮盈盈見到成班靚仔，扮曬怕醜！

盛勁為與陸煥恆（右）已諗好當晚的才藝表演。

謝嘉怡（左）與何依婷都話怕靚仔會花心。