李施嬅近期完成無線劇集《金宵大廈2》的拍攝後，原來又有新搞作，就是接受跳繩挑戰，藉此為惜食堂籌款。事緣早前有體能教練挑戰「12小時內跳最多雙腳交替交叉跳」以創全新的世界紀錄行善，她覺得很有意義，遂身體力行打氣支援。

向來有跑步、行山、做Gym保持狀態的她，事前將跳繩目標定為10,000次，但進行時看見教練的堅持而激起鬥志，最終花了約5小時超標跳了11,000下。不過，她笑言跳到腳仔軟：「自己冇跳開繩，所以事前有練習過，其實都緊張，冇乜信心，因為最多隻系試過跳大約2,800下，未試過超過10,000，都驚完成唔到。」

講到今次挑戰，她表示雖然每跳500下可以稍作休息及吃東西補充體力，但跳完感覺好像虛脫一樣：「跳到真系冇曬力，中間要不斷食朱古力、麵包補充體力，但系睇住教練跳咗12個鐘，自己都冇藉口唔堅持跳落去，所以都盡全力跳，最後跳咗11,000下，總算完成目標！」而今次籌得逾30萬元善款，可提供約3萬個飯盒予有需要人士，她認為辛苦也值得。

李施嬅有做開運動，但喪跳5粒鍾後都笑言冇曬力！

李施嬅跳繩籌款，超額完成。