「星夢一姐」菊梓喬在樂壇站穩陣腳，感情卻交白卷，外表怕醜、柔弱的她原來是進攻型，愛主動出擊，期望覓得真命天子長相廝守。

在樂壇交出亮麗成績的菊梓喬（Hana），感情暫時差強人意，她笑說：「以前話30歲前結婚，覺得自己嫁硬！」原來她在愛情路上很進取，自爆以往都是主動追求另一半：「鐘意我就追o架啦！我會主動，覺得難得遇到鐘意嘅，幸福系要自己爭取！」

問到追仔招數？她除了會主動約食飯，還會噓寒問暖：「成日問佢做緊乜，多啲關心，但又唔好畀太多壓力佢。」並分享經驗之談，表示食1、2次飯已經意會到對方的心意，笑說：「冇意思咪做朋友囉，有就繼續努力進攻。」她明白感情不一定努力就會有結果，並說：「倒頭來唔鐘意你就唔鐘意，幾殘酷。」

外表怕醜的Hana原來是進擊型，在情場衝鋒陷陣！

已屆適婚年齡的Hana並不心急，她自認老土，不想日後離婚，只望將來能與「他」一生一世：「要搵個好嘅，唔好沙沙滾、要專一又錫我。其實搵個夾嘅都好難，你鐘意人，佢又未必鐘意你，所以要小心慢慢揀。」但深信終有一日會找到真命天子。提到不少女星都「雪卵」為將來做準備，喜歡小朋友的她即表示：「好貴o架！問過要10幾20萬，我依家仲生到嘅。」不過她坦承有研究相關資料，將來有需要亦會飛到外地做。

工作方面，剛推出新專輯的她笑言是第3個「BB」，碟內收錄了唯一的非劇集歌《沒完沒了》，由她自己創作，可說是其生活寫照，忙碌中會忽略很多人和事。樂壇頒獎禮將至，提到大有機會蟬聯「最受歡迎女歌星」，她說：「千祈唔好覺得一定有，我攞過已經好滿足。（有壓力？）壓力唔系呢啲，系你喺呢個時候系咪做得最好？問心無愧就唔會有壓力。」

Hana精挑細選，望早日搵到真命天子。