江嘉敏之前負面新聞不少，既與「好姊妹」馮盈盈上游艇弄致鬧翻收場，又被指專埋有錢人堆做「拜金女」，不過勝在好戲的她備受無線重用，一劇接一劇，她經高層訓話後亦決心「洗底」，撇甩「港女」形象，專心演戲、工作，望由小花升呢花旦之位。
江嘉敏打扮漸趨成熟，早前谷胸示人，令人眼前一亮。
現年26歲的江嘉敏入行後一直以「妹妹仔」形象示人，不過之前負面新聞不斷的她，與馮盈盈上游艇玩出火擘面，之後一時被指拜金，一時又被指姣溝男友兄弟，雖然形象受損，但她都沒有自暴自棄，日前更絕地反擊，指舊聞再被翻炒，叫某些有心人不要再消費她。而無線現時可以登上一線花旦之位的小花不多，陳曉華被指戲屎、劉穎旋又未成熟，據知無線方面都非常看重嘉敏，她經高層「照肺」後，誓要撇甩港女Feel，向「女一」進發。而她今年亦憑劇集《大醬園》、《殺手》及《過街英雄》爭無線頒獎禮「飛躍進步女藝員」。
江嘉敏到書局睇書，一雙美腿非常搶Fo！
由內到外「改造」早兩日適逢聖誕前夕，見嘉敏獨自於銅鑼灣逛商場。不過她似乎真的決心「轉型」，見她的衣著漸趨成熟，繼早前臺慶夜谷胸示人後，日前亦學人曬女人味，以短褲配襯長Boot、腰間束Belt，輕輕露出白滑長腿，顯得又高又瘦，縱使戴了口罩，都不時有人眼望望。當日只見她主攻護膚品，行完一間又一間，試完產品後成功有收穫。行經賣少女精品的鋪頭時，她看完水晶手鍊，又拿著耳環左拼右拼，認真貪靚！最後她走進書局，在心理學書架左挑右選，看來真的想由內至外重新「改造」。
江嘉敏買護膚品，女仔系貪靚啲嘅！
大挑戰唔易做事後致電給她，問到當日是否要買聖誕禮物給男友？她笑說：「一半一半啦！其實我之後要開套新劇，劇入面我要做個18歲嘅KOL，呢排美容院去唔到，所以自己要狂做Facial。（見你都買咗啲護膚產品？）系呀！希望拍出嚟個樣後生啲，唔會咁多紋，我真繫好勤力，加上依家咁凍，天氣又幹燥，所以趁開拍前做得幾多得幾多，18歲真系一個大挑戰，唔易做o架！」
拿著耳環左拼右拼！
談到她去書局買心理學書籍，她直言：「我個角色系有反社會人格，因為現實生活中身邊冇呢類朋友，所以要喺電影同書籍上面攞靈感，自己仲揣摩緊角色，最近有啲韓劇都有講反社會人格，不過角色人物設計同個程度去到邊就未知，只可以睇定多啲做功課，做多啲唔同嘅角色都好，唔好一味做學生妹，要我做港女。」
無線現時一線花旦買少見少，不得不推舉一班小花上位，今年角逐無線頒獎禮「飛躍進步女藝員」的小花比往年多出1倍，有份提名又是熱門跑出的除了江嘉敏之外，還有林凱恩、劉佩玥、戴祖儀、鄧佩儀。當中林凱恩於《愛．回家之開心速遞》中飾演的「Bonnie」一角相當入屋，而於《降魔的2.0》天台抱著BB企跳一幕，亦獲不少網民大讚發揮得淋漓盡致，喊得淒涼。至於劉佩玥亦以《降》劇提名，劇中飾演「啤啤」的她，除了哭至淚崩感動觀眾外，與馬國明道別的一幕，亦相當催淚，被指是全劇最慘的女角，不少網民都贊她演技大躍進。
鄧佩儀
現時於新劇開始擔任女主角的鄧佩儀憑《機場特警》、《降》劇及《踩過界II》提名，她早於演出《幕後玩家》時已備受讚賞，一向演技平穩的她，在《踩II》中一場喊戲連眼線都喊甩曬，真的為演出犧牲！最後一位不容忽視的是戴祖儀，屬星夢娛樂旗下的她，於綜藝節目中大有發揮，比較出色的節目有《#年輕人傾嚇偈》、《學是學非》等。
劉佩玥