今日Boxing Day，43歲的Patrick Sir林溥來和35歲的太太關宛珊（Kimmy）宣佈造人成功，恭喜啦！Patrick Sir在IG貼上夫妻照，他赤裸上半身，陪腹大便便的太太一起拍合照，透露太太的大肚子，笑言加上愛犬Don Don可以組成超級男團。

Patrick Sir說：「聖誕快樂！系呀，你冇睇錯呀，你睇到慨呢個天使化身系我老婆Kimmy呀！見到佢個肚多咗啲嘢？嗰個繫上天送俾我哋慨聖誕禮物嚟㗎，份禮物我哋5個月前已經收到，仲睇住渠越嚟越大，而老婆面上慨笑容就越嚟越甜。選擇喺呢個普天同慶慨聖誕節及Boxing Day同大家一齊拆禮物，就係想將我哋呢份喜悅同各位分享，為大家喺疫境中打打氣，增添正能量！感謝上天送俾我哋慨新生命，亦希望世界從此換上新氣象！老婆，雖然每次問你你都話唔辛苦，但系我都要再講多次：幸苦你喇！嚟緊你要對住我同Don Don加BB呢個超級男團，你一定要有更多慨耐性，但系我保證我哋必定努力為你奉上幸福、快樂！」

關宛珊亦有留言分享喜悅：「由我哋拍拖開始就已經存在第三者（愛犬Don Don），而家仲多咗個第四者，呢個第四者好乖，喺我哋搬好屋settle好，喺我完成N3日文呢個目標慨當日，先俾我哋知道肚裡面住咗個小居民，我哋繼續去邊都帶埋呢兩個電燈膽，一家四口開開心心，Happy Boxing Day 。」

關宛珊今日接受傳媒訪時，透露懷孕5個半月，生BB是計劃之中：「我哋計劃咗今年搬屋settle好之後就努力造人。」問到疫情下陀B會否很擔心？她說：「當然會，不過自己做好啲都ok，心情輕鬆慨，每次去完產檢後，都即刻番屋企換曬啲衫先，今年見屋企人都只系見過一、兩次。雖然有啲似監禁咁，但都開心慨，而家唔駛去買餸，通常都系Patrick去街市買番嚟，呢段時間辛苦曬渠。」她透露預產期是明年4月，笑說： 「屋企好重陽氣，成屋都系男人，我老公+BB+我只狗狗可以組個男團。」