張振朗在新劇「奉旨」與龔嘉欣談情，飾演「宅男」的他豔福不淺，除借醉強吻佳人外，又齊齊在辦公室搞破壞，希望觀眾睇得開心又有共鳴！
由張振朗、龔嘉欣、劉佩玥及陳智燊等主演的無線劇集《堅離地愛堅離地》，鐵定今晚（28日）9時30分於翡翠臺播出。這部表面以創科為題材的愛情喜劇，背後相當有意義，監製吳冠宇受訪時說：「依家父母可能覺得子女離地，調番轉子女都會話父母離地，總之唔同思維嘅人就好容易唔認同對方。我哋想帶出嘅訊息系人與人之間嘅溝通，『離地』愛『離地』就和諧喇！」
女神唔啱嘴形科學園特別借出場地協助拍攝，加上劇中不時有「智慧裝置」如機械人等串場，為觀眾帶來新鮮感。劇情講述「毒男」兼IT高手振朗，終日沉迷於科技世界，不時與同輩「騎呢男」何遠東、方紹聰等打機，鍾情「女神」劉佩玥可惜志趣不相投，經歷種種才驚覺「富二代」好友嘉欣才是畢生最愛！其中一場「重頭戲」交代他豔福非常，借醉誤將嘉欣當作劉佩玥表白並強吻，又開啟心扉盡訴秘密，相信播出時定必令宅男粉絲睇到牙癢癢！
演「富二代」的龔嘉欣，與「宅男」張振朗爆發出化學作用。
《堅》劇是振朗首度做「男一」的作品，他坦言雖已事隔3年，期間陸續有主演劇集推出，但仍期待欣賞這件「特別製成品」，他說：「最犀利系宅男呢種小人物都可以做主角喎！好記得拍攝時，我哋成班『毒男』好開心，喺片場打成一片成日笑，大家都將內心小宇宙釋放出嚟。（你真人同角色有咩分別？）我本人一樣咁宅，冇事就會匿喺屋企陪家人，或者睇嚇電影，只系我唔鐘意打機囉！」
飲完酒更奔放他與嘉欣曾於2015年合作《愛．回家》，嘉欣坦言早已培養出默契，對這位拍檔更是百分百信任！對於監製特別提及他們醉酒反轉辦公室放笑彈的戲份，她大笑說：「嗰場戲我哋真系飲咗少少埋位，我一飲酒就會面紅，醉嘅感覺強烈啲！埋位時，導演交曬畀我哋自由發揮，我哋可以好放咁演，破壞攝影廠啲『公物』，完全將情緒釋放曬出嚟，希望觀眾到時都睇得開心啦！」
張振朗、龔嘉欣
龔嘉欣豁出去放笑彈，瞓地好小事啫！
張振朗有熊仔底褲「加持」，宅得嚟勁Cute！