9月6日喺北海道舉行森林婚禮嘅新婚夫婦曾國祥、王敏奕，呢日齊齊現身中環，戴住漁夫帽白衫白褲加外套嘅曾太，邊行邊同食緊電子煙嘅老公吹水，兩個急步行，咁趕究竟去邊呢？

仲記得兩個月前，曾國祥同王敏奕喺北海道舉行森林婚禮，放晒菸花勁浪漫。時間過得好快，話咁快就新婚咗兩個月，呢日喺中環見到曾太同曾生，兩個急步咁行，好似好趕咁。

曾太邊行邊同老公講嘢，不過曾國祥冇乜出聲，只係點嚇頭，大家唔好誤會佢冷淡對老婆呀，實情係佢忙住食電子煙，個口唔得閒。

行得咁急，原來趕住入萬邦行睇醫生，唔通曾太咁快有喜？等老婆睇醫生期間，曾國祥忍唔住又落樓食電子煙，煙癮幾大嚇喎！終於睇完齊齊落樓，曾國祥有事行先，好彩有工人姐姐陪曾太離開，手上仲拎住啱啱睇完醫生嘅袋。

MEDHEALTH，冇婦科睇嘅，即係曾太唔係有喜，只係去照磁力共振，唔怪得曾國祥唔陪老婆拎車啦！