單身一段日子的女星何佩瑜，自認感情生活未如理想，早前與一名圈外熟男過電，本來情投意合，無奈相處過後，才發現是兩個世界的人，最終忍痛斬斷情絲。
曾與導演翁子光拍拖的何佩瑜（Jeana）單身將近3年
，期間似乎清心寡慾，原來暗地裡也曾與一名圈外男士秘密發展。
搬回家住的何佩瑜，再次感受到家庭的溫暖。
剛忙完網劇《女法醫JD》拍攝的她，透露首次演法醫感覺新鮮，更指現場請來一名專業法醫指導，湊巧對方與她同是31歲，相當有緣。談到今年受疫情影響，雖然工作量大減，有幾個月還沒工開，但Jeana未有灰心：「趁呢段時間諗其他嘢，好似今年同回家人住，大家冇同住10年，我終於有番種家庭嘅感覺，媽咪最開心。」
最近她趁有時間接受鐳射矯視手術，笑指現時除了看事物清晰，就連睇男人的眼光也相當透澈，問到其感情生活是否很精彩？她一臉尷尬說：「都好差，仲未遇到一個好鐘意嘅，我鐘意嗰個但系冇可能，我惟有放棄，有試過努力，但有時有啲嘢唔系淨系得愛情嘅。」
活於不同世界問到雙方問題在哪？Jeana坦言相處過，無論環境及生活方式也處於不同世界：「大家都知道有意思，佢叫我唔好做呢行，話可以養我，但我好熱愛演員呢份工，幾經掙扎，最後選擇做番好朋友，好在都系曖昧咗兩個月。」雖然戀事撻Q，但Jeana坦言願意等待，認為現階段乃事業衝刺期，不一定要拍拖，所以暫時不會強求，但若然有心儀物件，亦願意主動出擊。
與曖昧了一段時間的男人講清講楚，何佩瑜回覆單身的撇脫。