《萬千星輝頒獎典禮2020》將於本月10日舉行，視帝、視後戰況比「開戰」時激烈，王浩信及林峰依然是大熱，不過浩信面對林峰直呼「好驚」！而連播5劇的張振朗忽然殺出，後勁凌厲，新劇中「宅男」角色討好，隨時跑出煉贏兩位師兄。視後方面，龔嘉欣連日來於活動中出力「拉票」，但談到爭獎心情，她直言由緊張變成放鬆。
王浩信是近年無線臺慶劇臺柱，今屆再憑人氣劇集《踩過界II》「盲俠」一角競逐視帝，雖然《使徒行者3》的「爆Seed」林峰獲網民齊呼要助他打破提名16次皆「捧蛋」的宿命，但正當浩信都表示師兄林峰走勢強勁，直呼面對他「好驚」之際，其好兄弟張振朗最近亦愈戰愈勇，連續5劇《機場特警》、《反黑路人甲》、《使徒3》、《踩II》及《堅離地愛堅離地》播出，每套角色均大有發揮，憑《反》劇「高彬」一角爭視帝的他，連裸跑都肯，有力狙擊兩位師兄。
張振朗（右起）殺出狙擊林峰及王浩信！
自認演出更準繩浩信日前接受專訪，坦言《踩II》角色難度高，說到得獎信心，他謙稱不敢多想：「每年都唔知，所以都系唔好諗好啲，盲俠個角色唔易做，又要演盲，又有法庭戲，對白又多又快，而且套劇好有驚喜，我睇嘅時候都喊咗好多次。」3年前曾奪視帝的他再憑「盲俠」角逐，他自認於細節處理上更準繩：「覺得自己有進步，諗法同掌控得更好。」說到競爭，他指當中很多都是大熱人選，但論到林峰，他則說：「林峰好強勁，系師兄，識英雄重英雄，交畀觀眾處理，每年都希望系百花齊放。（網民話無線欠林峰一個視帝？）驚（口架）！咁佢繫好睇嘅！」
對於「最佳劇集」，他自言很難揀，明顯較偏心《反》劇：「兩套劇唔知點分，我希望畀《反黑》，因為《踩過界》已經攞過，《反黑》入面每個兄弟姊妹都好出色，喜劇要喺觀眾心目中有少少位置唔容易，如果喺頒獎禮有獎就更難，系一個突破。」
張振朗怕被重提曾參加新秀的往事。
振朗被揭「黑歷史」至於多年來與浩信並肩作戰的振朗今次要與多位前輩爭獎，之前他坦言睇好黎耀祥，不過昨日於《堅》劇活動上，他多次為自己主唱主題曲賣廣告，當記者重提參加新秀往事，想不到他煞有介事：「依家系生鏽，唔好再提呢啲黑歷史啦！當年造型同唱功都好得人驚，輸繫有原因嘅，大家忘記佢，千祈唔好搵嚟睇。」更表示寧願臺慶冇獎，都不願參加新秀的片段再被瘋傳。
王浩信「盲俠」上身，大談角色難度高！
龔嘉欣入行13年，一套《香港愛情故事》將其人氣推高，加上在《殺手》中「唔錫身」演出，令她於即將舉行的臺慶頒獎禮鋒芒畢露，外界推測是視後大熱之選！談到刻下心情，她說：「之前會緊張啲嘅，依家反而放鬆曬，冇咩壓力。呢次提名最開心繫得到觀眾嘅認同，大家睇住我由小妹妹開始成長進步。其實邊個得獎，我都會咁開心，位位演員都付出咗好多，唔想比較。」
談到頒獎禮戰衣，她大賣關子：「會令人眼前一亮嘅，不過知當晚好凍，我件衫冇地方黐到暖貼呀！（諗定謝詞？）冇！淨系唔想自己好似4年前攞『最佳女配角』喊到咁肉酸，朋友話根本聽唔到我講乜！我今年31歲，感覺唔同咗，如果嗰晚我冇獎，都會私底下致電答謝一路以嚟幫過自己嘅人。」
打到周身傷捱鬧《殺》劇中的她化身打女搞到一身傷，至今仍要做物理治療，但「有付出就有收穫」，結果換來視後提名。她坦言：「身邊好多朋友鬧我，做咩要咁搏？都系一份工啫！佢哋根本唔明白我真心鐘意演戲。睇番啲演出片段，好似衝去撞車頭冚咁，我都好驚，但冇後悔，再來一次嘅話，我可以打好啲。（想再做打女？）冇問題！但可唔可以畀多啲衫我著？可以墊嘢，唔好淨系得Bra Top撼石屎地。」
另外，她昨日出席新劇《堅離地愛堅離地》宣傳，早前播出一場「思親爆喊戲」成網民熱話，引來粉絲瘋狂Cap圖！她竟笑說：「3年前嘅作品，回憶返曬嚟。」又坦言有意染指樂壇，日後主唱自己參演劇集的主題曲。
龔嘉欣為拍《殺手》付出不少，今次獲提名視後，可謂苦盡甘來！