港姐出身的朱千雪淡出娛樂圈後成為執業大律師，日前與老公去山頂拍拖，十指緊扣曬恩愛，期間更將手插入老公的衣袋取暖。講起造人大計時，她即笑到現腰果眼！

Tracy同老公全程十指緊扣。

32歲的朱千雪（Tracy）淡出幕前轉攻法律界，早前正式成為執業大律師，升呢做「Law界女神」後忙到甩轆，不時因工作撇甩醫生老公吳昆倫。前日她趁週日不用工作，即爭取時間過二人世界。

老公個衫袋暖烘烘，搞到Tracy捨不得「分手」。

當日下午2時許，Tracy由老公接載，乘坐落地數月、價值約30萬的座駕直駛山頂，泊車後步往附近餐廳撐枱腳。他們沿途十指緊扣，邊行邊談情，Tracy更將手放入老公的衣袋取暖，而老公不時望住她冧笑，入餐廳後才捨得「分手」。

問到大律師工作如何？她說：「好忙呀！（無線有冇搵你『復出』？）公司好好，如果有適合工作都會搵我拍。」又透露老公已在港定居工作，不用再分隔兩地：「好彩佢疫情前已經嚟咗香港陪我，可以一齊。」問到朝夕相對，會否更積極展開造人大計？她聞言即笑到「腰果眼」：「哈哈！順其自然啦！其實我驚大肚會肥，所以唔繫好敢。」

Tracy知道老公怕醜，吩咐他拎埋咖啡上車等她完成訪問。