陳凱琳與鄭嘉穎嘅囝囝Rafael於14號情人節生日，話咁快就嚟一歲，作為媽咪嘅陳凱琳日前上載抱住囝囝嘅背影照，留言慨嘆時間過得快，仲話唔捨得囝囝大得咁快！而「少婦聯盟」好姊妹龔嘉欣同譚凱琪相當有Rafael心，提早為「契仔」慶祝生日，見龔嘉欣抱住Rafael，成副慈母樣出晒嚟，唔講以為佢先系阿媽！網友見到Rafael出咗牙仔都話小朋友大得快，叫陳凱琳好好享受呢段美好時光。

結婚19年仲會面紅張智霖孖靚靚恩愛放閃

張智霖（Chilam）與袁詠儀（靚靚）昨日（2月8日）元宵節結婚19週年，Chilam在微博貼上靚靚依偎著他頭貼頭自拍照，留言：「19周（周）年，跟我合照還會面紅的人」；靚靚轉發貼文迴應：「不只面紅，還心跳加速，手心冒汗 19周（周）年，辛苦你了」。

母親受難日 張衞健55歲牛一向阿媽敬茶

張衞健（Dicky）出名系孝順仔，尋日系佢55歲生日正日，佢都將時間留畀媽媽共享天倫，更向媽媽敬茶，多謝其養育之恩。Dicky喺社交網上載童年照並留言：「感謝大家給我的生日祝福！今年的生日就是和母親吃了一頓家常便飯，給她敬了一杯茶（因為生日就是媽媽痛苦的日子）；而生日願望只有一個，就是祈願天主保佑我們大家，賜予我們平安與喜樂！」

劉丹發完燒復工爆劉愷威冇工開

劉丹早前因病向無線請假，今日復工繼續拍攝處境劇《愛．回家之開心速遞》，他表示只是普通感冒，但因為現時武漢肺炎疫情嚴重，為免嚇怕其他人，加上有咳又發燒，故請了4日假在家休息。他說：「醫生說是普通感冒，事前都覺得自己的病徵有別於武漢肺炎，但看完醫生都安心點，在家都有戴口罩和孫女隔離。」

劉丹笑指全家人都不讓他接近孫女，兒子劉愷威現在身在香港預計4月才回內地工作；丹爺指兒子辛苦了很久，現在可以趁機休息都好。

郭少芸Full Gear搭飛機

郭少芸喺網上透露要飛去馬來西亞，見佢先晒出一張戴口罩嘅自拍照，留言「從未如此忐忑」，之後上到機後佢仲Full Gear上陣，拍片向大家介紹佢嘅裝備包括口罩、眼罩、浴帽、膠手套同噴霧式風扇，最後佢擺出一個叫大家放心手勢！呢段片甫出近2個鐘已經近2萬人睇，而袁偉豪、許芷熒亦有贊好，大讚佢Very Cool！不過喺依家呢個非常時期，真系小心為妙好啲啦！

釋出絕密片段幫大家殺菌 Bob啜爆麥玲玲被Cut

林盛斌（Bob）早前與麥玲玲在《流行經典50年》節目合唱《好好戀愛》，搞到網民㷫合合，嗌晒救命留言，「 隔夜飯都爭啲嘔埋出嚟」、「好想打爛部電視」等。今日，Bob釋出《終極絕密片段曝光》，留言：「等大家喺屋企冇咁悶，順便幫大家殺殺菌！其實現場錄影系仲有呢幕嘅，不過可能導演覺得太震撼，擔心會嚇親d（啲）觀眾同街坊，最後出街嗰段cut咗！」

原來當日唱完Bob摸玲玲姐心口，擺出High爆樣後還有後著，就是Bob背鏡扮狂嘴玲玲姐，網民繼續笑爆，留言「好彩cut咗」、「有無諗過觀眾感受？」，連何佩瑜都留言：「銀幕情侶」。

好彩冇事！武打演員周嘉豪冇中招落世界夢號

曾接載新冠肺炎確診患者的郵輪「世界夢號」，由本月5日停泊在啟德郵輪碼頭至今，大約有3,600名乘客及船員連日未能落船。衞生防護中心今午表示，所有船員對新冠肺炎的檢測樣本已收集並送往檢測，結果今午完成，全部顯示為陰性，即沒有受到感染。由於衞生署的所有防疫措施已經完結，乘客及員工可以落船。

武打演員周嘉豪是世界夢號乘客之一，落船後的他於社交網報喜，他留言：「講過（個）好訊息比（畀）大家知，經衞生署正式宣佈（布）我乘客包括職員哋冇人中武漢肺炎，我哋可以走得了」並上載於船上的照片。

估佢得20歲 日本人畀Baby真實年齡嚇親

Angelababy同黃曉明成婚之後，三年前仲升呢做埋媽咪，不過佢外形都冇乜點變，唔識佢嘅人都會以為佢系少女，近日佢去日本拍綜藝節《潮流合夥人》時，就有當地顧客話以為Baby得20歲！

參與呢個節目嘅藝人有Baby、吳亦凡同潘瑋柏等，佢哋喺東京經營一間潮流服裝店，拍攝期間有顧客入內，Baby可以輕鬆同對方交談，其他藝人都畀佢嘅流利日語嚇一跳，其實Baby出道初期有一段時間喺日本發展，所以日語對答對佢嚟講系應付自如。其中有媽咪級顧客帶埋小朋友一齊嚟睇衫，Baby主動同小朋友傾偈，仲同對方分享育兒心得，當Baby透露自己仔都三歲大時，對方唔敢相信仲話：「非常年輕，我以為妳才20歲。」Baby有啲尷尬坦言自己已經30歲，對方知道佢真實年齡之後更加唔相信仲話：「完全看不出來，好厲害！」