產後首現身！譚凱琪喂人奶上圍脹卜卜

郭晉安、譚俊彥、譚凱琪(Zoie)、王君馨、江欣燕（欣欣）昨日為TVB新劇《失憶24小時》宣傳，其中穿低胸裙的欣欣最性感，臺上王君馨笑說：“點解我著條裙冇呢個效果？”欣欣笑言：“我食得多缽仔糕。”

產後第一次公開露面的Zoie，穿松身恤衫亦見上圍升cup，她說無度三圍，但覺得著衫的確唔同咗，已好少著緊身衫，覺得尷尬。說《失》是生BB前拍，現在產後第一次出來就宣傳，故特別有感覺，透露之後會開劇拍《十八年後的終極告白》續集，現時女兒差唔多4個月大：“女都需要我，希望囡囡適應，都有心理準備，想兼顧事業家庭2方面，我好掛住女，返到屋企全部時間畀曬佢。”她說同劇演員譚俊彥和陳山聰都有小朋友，故大家防疫方面都好檢點，老公亦有提她小心，老公好尊重和支援她工作：“試嚇先，希望得，好彩我開工媽咪和老公幫手，女都開始認人。（驚女唔認得你？）都有咁諗，佢好需要我，飲我奶大。”

現正喂人奶關係，已有心理準備邊開工邊揼奶，她說：“諗緊會辛苦少少，盡做，媽咪真偉大，但人奶對BB免疫系統好啲，會買定凍袋，call老公得閒就幫我送奶。（喺戶外揼奶？）會帶多啲消毒用品。（如果荒山野嶺拍？）都有唔少外景，不過香港交通都好方便，打電話可以call車有人幫我運送。”

郭晉安（安仔）和譚俊彥（Shaun）為新劇《失憶24小時》宣傳，新劇下週一播映，2人表示對收視有信心，Shaun覺得觀眾喜歡喜劇，此劇還有親情和友情，安仔直言好開心認識Shaun，透露他們戲裡戲外鬥智鬥力，背熟劇本才入廠，他們自爆開工見面不是講早晨，而是一見面就講對白，故入廠不用帶劇本在身。

安仔說：“我哋仲開始講家事，唔使再講劇本。”好耐冇拍喜劇的安仔，笑言拍喜劇仲有難度，因為觀眾唔笑就輸，並即場講笑說：“我角色做低下階層，撈散工都有個咁靚嘅老婆（譚凱琪）和乖仔，證明有靚老婆系唔使事業有成。”

Shaun就爆安仔是真男人：“有日夜廠，凌晨2、3點，見安仔拎住電話講點都會買到嗰只藥，放喺枱面畀你，原來系佢老婆唔舒服一定要食嗰只藥，我同自己講，原來我係咁差嘅老公，要學佢做個好男人。”

《失憶24小時》（英語：The Forgotten Day），為香港電視廣播有限公司拍攝製作的時裝喜劇電視劇，由郭晉安、譚俊彥、姜大衛、王君馨及湯洛雯領銜主演，並由譚凱琪、江欣燕、何遠東、張達倫及劉思希聯合演出，監製王心慰。

此劇講及兩個背景、身份截然不同的角色，將兩人相交的過程及失憶24小時作故事串連，將社會荒誕現象及人物，以輕喜劇手法呈現。

首播日期: 2021.02.15冰室侍應吳耀中與室內設計師蒙一言，因一宗綁架案、一單失憶事件、一名失蹤女子、一筆鉅款而碰上，建立起微妙友情。一言獲救後患上失憶症，忘記遭綁架之事，繳交贖金的太太遊菲兒更不知所蹤。一言欲靠耀中查明綁架案始末，並找出菲兒的下落；耀中卻想借一言尋找消失的贖金，同時又要隱瞞自己涉案的秘密。在心理治療師藍海晴協助下，一言恢復零碎的記憶。然而，隨著失去的記憶片段漸漸被重組，出人意料的真相亦逐步揭示出來……

轉自看港劇