苑瓊丹表示從達哥身上學識跟別人相處，要互相尊重，「以前喺電視臺同達哥拍一場戲，話佢拋妻棄子，佢追住我走出去，導演突然話難得兩位喜劇演員合作，不如搞啲嘢，建議我哋踎低講對白，我就：『嚇』，達哥叫我踎低一齊做，之後問導演：『冇路人經過，會唔會好奇怪呢？』咁導演又建議我哋『之』字形咁行住路講，我就梗係人都癲，達哥又叫我唔好嘈，又試做一次，但佢問導演：『會唔會好耐冇交流？』導演又提出叫我鬧一句：『你個負心漢』跟住達哥要畀個誇張表情，達哥今次就同旁邊棵樹講：『你覺得有冇問題？』然後擰番轉同導演講：『佢話唔係幾好』。達哥係一個面對100個唔合理都會做嘅人，最多同你商量，會用喜笑怒罵或四両撥千斤。佢至今喺演藝圈咁高地位，我諗番轉頭，點解我哋學唔到，真係好值得後輩去借鏡。」
田啟文遺憾太遲探達哥《少林足球》中飾演「三師兄」的田啟文、與「六師兄」林子聰亦有分享與達哥相處的點滴，田啟文更自責一直以為有更多時間可以探望達哥，怎料再見已在對方彌留一刻，田雞哽咽說：「我噚日喺醫院睇住佢走，我影響力比較大，到呢一刻仲未接受到佢離開。醫生話佢瞓住，聽到曬我哋講嘢，但畀唔到反應，一直閉緊雙眼，直到臨走一刻瞪大眼畀反應，跟住就走。我原本安排早啲去睇佢，但又唔想咁多媒體阻到佢，又怕疫情會帶病菌去醫院...佢講到嘢時唔喺佢身邊傾多啲偈，到佢畀唔到反應（我）先出現。」肥仔聰表示原本有新戲想找達哥演出，但當時達哥表示檔期已排到5月後：「當時佢覆短訊都喘曬氣，我有叫佢睇住身體，但佢鍾意拍嘢，仲話要未做過嘅角色先接。」
曾志偉講到眼溼溼節目尾聲，剛升任做無綫副主席的曾志偉亦有現身，講到達哥曾沉淪賭海，見人就借錢，最終連監製都不敢起用他、朋友也不再支助他，最後達哥一度想過輕生，幸臨危立馬，重新做人。志偉講到眼溼溼：「我人生不停去分享，好想同大家講，係一個好正能量親身經歷嘅故仔...當時連佢最好朋友都唔再幫佢，佢覺得人生無希望，人生去到盡頭，就喺城門水塘想檻隻腳落去，希望下世重新做人，會做個更好演員，要發揮畀人睇。嗰刻佢諗可能我下世做牛做馬做狗，我而家仲係人，點解我唔可以而家開始嚟過？之後佢就返咗TVB，同所有編劇導演講，我係一個唔一樣嘅吳孟達，之後佢入廠係唔會帶劇本，因為所有對白都由頭記到尾。」
及後曾志偉接受傳媒訪問時，心情仍未能平伏，「一講到達哥真係覺得『唉，又走咗個』，可以講話演藝界不可多得、買少見少嘅。呢種演員真係好難好難，唔知點去複製。一路講，達哥嘅畫面就會一個一個浮現出嚟，你就更加懷念佢，達哥嗰種待人接物，令你好難唔懷念佢。無論幕前同你對戲，定幕後收咗工同你食飯分享佢人生，佢係好豁達、樂觀嘅人，有佢嘅場面一定有笑聲，就算佢點唔舒服佢都唔會話畀你聽，佢會死頂。」
吳孟達昨日因肝癌病逝，一班昔日藝訓班的同學和《EYT》拍檔都有出席節目，一起懷緬達哥。（電視截圖）
達哥當年報讀無綫第3期藝員訓練班入行。（電視截圖）
節目中播出不少達哥拍過的電視劇。（電視截圖）
達哥在《歡樂今宵》中有很多搞笑演出。（電視截圖）
黃一飛亦有拍片悼念故友，自言自己大達哥七年，白頭人送黑頭人。（電視截圖）
曾志偉講到眼溼溼。（電視截圖）
苑仔讚達哥做人態度極佳，即使面對100個不合理的地方，亦會用四両撥千斤去化解，好值得後輩學習。