藝人鄺文珣（May）當年加入無綫後，演過唔少經典劇集包括有《真情》、《洗冤錄》、《鹿鼎記》等，當中最令人難忘，一定系佢個古裝Look啦！出名童顏嘅佢個樣又Pure又True，著起戲服上嚟真系成個古裝美人咁，其中佢喺2001年嘅劇集《錦繡良緣》中，一場出浴戲，場面非常香豔，令人印象深刻！

佢離開無綫後，喺2006年同商人應德榮結婚，育有2子1女，婚後專注家庭生活，甚少亮相幕前，佢近年活躍於社交網，不時大曬一家五口享天倫嘅相，生活得相當幸福美滿，佢尋日趁住元宵節，大曬同老公以及兒子嘅合照，同埋1張近鏡嘅大頭自拍相，已經45歲嘅佢無懼素顏上陣，托住腮對鏡頭微笑，個靚樣同以前真系冇咩分別，Keep得相當好，仲好有少女Feel，網民大讃佢唔識老，完全睇唔出已經系3個小朋嘅媽咪，仲問佢保養心得添！