與謝東閔山頂談情　江嘉敏險挨車撞驚到眯眼

無綫小花江嘉敏和謝東閔昨日為無綫新劇《黯夜守護者》到山頂取景，兩人之前拍廠景再接早上外景，雖然只睡了2小時，但開工時仍精神奕奕，不停講笑。劇情講述2人在路邊談心時，突然有車衝至，東閔即推開嘉敏，自己則慘被車撞落山，場面逼真！東閔說：“頭先工作人員同我講個架車個Brake好似麻麻哋，架車撞埋嚟時真系驚！”嘉敏亦有同感，說驚到眯起雙眼，不過她已戴定護肘和護腰，笑說：“我天生神力，手㬹可以打到架車凹咗，哈哈！”

訪問期間，她眼明手快一手就能撐著工具車，被贊好身手，她說：“我平時啲戲唔系畀人打，就係畀人拖拉，好想有一次我去打人、撞人，成日想吊威吔、開槍，咩都想試嚇，但最後都系我畀人亂槍掃射、畀人打。（最想打邊個？）有得打就OK，想做打女，可以一路拍劇一路減肥。”

她與東閔忙於開工，連白色情人節也不記得，她說：“白色情人節要回禮㗎！死啦，未諗添，掛住開工，一陣又要返廠，惟有努力啲拍劇然後等出街時送畀佢。”而東閔直言經常忘記節日，自爆生日也不慶祝：“我生日系檢討自己一年做過乜，或者有冇進步，唔系講笑㗎！”嘉敏佩服他厲害，揚言到自己生日時可以考慮模仿。

轉自看港劇