朱千雪孖姊妹慶生收埋個肚　岑杏賢佗B 7個月零走樣

朱千雪早前傳出懷孕，而6月28日33歲生日嘅佢，7月3日相約“2 Line黨”嘅一班好姊妹包括岑杏賢、蔣家旻及張嘉兒等一同慶祝，見佢依然四肢纖瘦、面尖尖，不過就全程隻影半身遮肚，未知佗B傳聞是否屬實！

至於現時懷孕7個多月嘅岑杏賢冇咩水腫、氣色非常好，只睇上半身完全睇唔出有BB，果然得天獨厚。但姊妹團成員湯洛雯就冇影，唔少網民以為鬧不和佢被Foul，原來只系因為工作在身去唔到啫，但喺社交網留言話好想在場，朱千雪就叫佢加油！

朱千雪接受訪問否認佗B，佢話：“哈哈，系之前慶祝，不過依家先有時間post，唔繫有咗啦，影蛋糕梗系影半身啦！”