搜尋：凸肚驚變中年大叔！馮紹峰極速減肥晒回春照反擊

現年41歲嘅馮紹峰同老婆趙麗穎上年3月榮升父母，有仔萬事足！唔知系咪幸福得滯，被影到挺住“大肚”，發福不少，嚇親唔少網民！

佢身穿老土外套，有啲白髮，相信係為新戲拍攝嘅造型！不過，佢個真肚腩就非常吸睛，十足十中年發福大叔咁！心有不甘嘅佢留意到自己被影到形象盡毀一面，喺社交網上載兩張喺Gym房影嘅自拍反擊，留言：“前兩天胖的時候都來拍我，這兩天減下來了，沒人拍了…鬧心”照片中嘅佢回春不少，成個瘦晒！亦有網民影低佢自拍一刻，幫佢平反“真人確實很瘦”！粉絲都贊馮紹峰迴應方式幽默，不過都好驚訝點解佢短短2日就脫胎換骨，“重點難道不是兩天就減下來了嗎”、“感覺你是胖著玩的”、“說瘦就瘦羨慕了”！

搜尋：同馬國明沐浴愛河湯洛雯序爆攬狗講故事

湯洛雯與馬國明拍拖之後，如沐春風不時笑臉迎人，愛嘅威力認真強勁。佢喺社交上載一張與狗仔同床嘅相片，見佢拎住本書同狗仔講故事，相當有愛。

搜尋：喜愛呀！鍾嘉欣胡杏兒互唱對方出道歌

鍾嘉欣上月由溫哥華返港為無線拍重頭劇《兒科醫生》，但無奈第三波疫情爆發，拍攝工作需延遲。呢日佢有好友胡杏兒一齊喺屋企唱K，二人因2011年合拍劇集《耀舞長安》而成為好友，佢哋更互唱對方嘅首本名曲，杏兒嘅第一隻劇集歌《幸而》同麥嘉欣嘅第一隻劇集歌《發誓》，二人唱到七情上面，相當投入。

佢哋分別以英文留言回憶相識過往，嘉欣表示：“我們都是歌唱界的新手。她的第一首歌是《幸而》，而我的第一首歌是專輯《金牌女兒紅》中的《發誓》。順便說一句，《幸而》是整張專輯中我最喜歡的歌。此後，在2008年，我們真正成為歌手，然後在2011年與耀舞長安合作，這開始了我們的友誼。再次回來香港與我的好朋友一起唱她的歌，對我來說真的很棒。時光飛逝，感謝友誼長存。”而杏兒亦大讚好友：“耀舞長安將我們帶在一起，我感到非常高興，你真是一個可愛，善良的女孩，您值得擁有現在的一切。現在，我們都長大了，過去的瘋狂工作時間已經過去了，而你生活在世界的另一端，我們仍然能一起演唱我們的第一首歌，這絕對是一個值得紀念的時刻。”

搜尋：汪小菲被指偏心誇張網民洗版寸爆唔記得有個仔

大S（徐熙媛）與汪小菲婚後先後育有一女汪希玥及一子汪希玥，而最近汪小菲因為要獨自返大陸工作，與妻女相隔兩地！掛女掛到傻嘅佢，尋日凌晨忍唔住喺社交網大呻，又話：“不知道再見時，你是不是都長大了，爸爸很想你，昨晚還夢見你一直叫我爸爸！”更上載幾張女兒嘅相，之後又上載當年婚照！

點知就惹來網民洗版式抨擊，事隔一晚都唔放過佢，話佢唔記得自己仲有個仔，“弟弟又要和媽媽哭了”、“閨女是真愛，兒子是意外”、“是不是忘了你還有個兒子”、“還有人叫你爸爸，只不過你沒夢到”、“你為人真夠誇張的，幾個月能長多大啊”，不過都有人為佢講好說話，話女兒系爸爸前世情人啫！

搜尋：中環散步闖萬花筒陳美齡：香港真好

長居日本的資深藝人陳美齡現正身在香港，疫情期間儘量足不出戶。不過，日前她決定獨個兒外出逛逛，由中環出發沿海旁散步。

她說：“穿上白波鞋，從中環海旁走廊散步到堅尼地城，好自在，海風清爽，風景迷人。走到盡頭，欣賞夜景，被香港燈飾包圍，好似進入咗萬花筒，太神奇、太美妙。香港真好。”

搜尋：咁都得？《如懿傳》畫面被複制劇方發道歉宣告

由周迅主演的大陸古裝劇《如懿傳》2018年播出時大受追捧，當中嘅一啲畫面竟然被另一套由於正編劇、7月開播嘅《那江煙花那江雨》疑似盜用！有網民追睇時，發現《那江煙花》第9集第19分鐘嘅畫面竟然同《如懿傳》一模一樣，無論拍攝角度、場景、人物穿著及姿勢等全都一致，唯一不同嘅系《那江煙花》將該場景放大咗！

劇方喺社交網發道歉宣告，承認出現《如懿傳》部分片段：“因該劇剪輯人員在後期製作中不慎加入《如懿傳》的相關素材而造成，我公司在審查成片的過程中亦未盡到審查核實義務。”並對導致《如懿傳》造成損害表示歉意，而有問題的畫面已經全數部刪除，保證該劇全部素材都不會再涉及《如懿傳》相關內容。