疫情下各行各業都大受打擊，不過莊思明看準商機，最近投資7位數開食肆又推出自家商品，並在將軍澳新開第5間分店，在飲食界大展拳腳。日前她趁不用拍劇，就到新店打躉做生招牌及幫忙打點。她受訪時說：「都有人話喺呢個環境下開鋪好勇，但我哋繫有計劃同充裕嘅流動資金先投資。」她透露稍後將再有分店開張及有特許經營權的加盟商，笑言目標是每區都有其分店：「如果可以開到好似便利店咁都唔錯！」

面對第4波疫情來勢洶洶，她稱已有過往經驗，所以對生意不太擔心：「依家生意OK，冇諗過幾時回本，因為我哋賺咗錢唔會實時分錢，而系再投資，所以今次開鋪我唔需要再攞錢出嚟。」她認為要在疫境求生，唯一方法是求變：「之前經歷過生意最差系一個客都冇，成條街系冇人，好多人因為疫情而唔敢出街，所以我哋要推出商品，有長啲食用限期，畀人方便買回家自己煮。」

首次投資飲食業即一擊即中，入股未夠1年已有回報，思明自誇是投資了對的人，但所指的並非股東兼男友楊明，而是另一位圈外人拍檔：「我同楊明要兼顧幕前，拍檔就全職睇住盤生意，好多構思都系佢諗，我哋都好多謝佢。」

莊思明「疫」市下擴充食店營業，對生意甚有信心。

莊思明抽空到新分店打點。