標題解讀：趙軍戰勝秦軍，異人被俘虜到趙國做人質。
下面是出場人物介紹
繫好好耐好耐以前，秦國同趙國其實是同一個祖先。不過講到利益呢D野，連老豆都無情講，何況只是同一個祖先。
趙惠王在位既第五年（其實時間呢D野，吾使點樣記，反正睇過之後你都會吾記得。）秦昭王派佢個孫異人、王齕（王恰）、王翦（王剪）三個人做將軍，帶住十萬人馬去攻打趙國。去到趙國邊境一個叫漳河既地方，安營紮寨，準備攻打漳河既城池。然後派幾個認卒仔先去打探一下訊息。（吾好睇少呢D卒仔，系古代通訊非常差既環境下，負責打探訊息既卒仔就好重要，好似特務，間諜之類。）卒仔番來回報“漳河四面既城門都關到實一實，城牆上插滿左旗幟，城下面都做好備戰準備。”（先解釋一下，古人系城牆上插旗是好重要性既事，插左自己既旗幟上去，就證明我已經佔領左呢座城池。個D已經出左城既將軍，士兵見到城上已經插左人地既旗幟就吾敢再番入城裡面，吾驚有埋伏咩。所以後面好多章節都會講到個D城牆上面經常比人插旗。）
王翦將軍講“既然趙國有所準備，我地就吾可以輕舉妄動，一時衝動就好容易中計。再派D卒仔去打探虛實，然後再進攻都未遲。”
當時漳河守城官是一個叫李繼叔既人。佢知道秦軍打到埋來。吾敢出城去迎戰。其實諗下都知道，一個城有幾多兵，點會敵得過十萬人。所以佢就叫所有人關實城門，然後派人通知趙王來解救。趙王同各位官員商量。“秦國強大，我國弱小。佢地人多蝦人少。加上王翦呢個人好識用兵打仗。呢場仗真是好難打。你地話點算。”
藺相如（論相如）就話“秦軍甘遠來到，無論人馬都肯定好攰，而且佢地又吾瞭解我地呢邊既地形。我地可以派兩萬精兵，走小路系秦軍既兩側埋伏，然後派一隊兵馬下面迎敵。等秦軍出來打我地個陣，兩邊既精兵就去佢地駐軍既地方去劫寨，搶曬佢地D重型武器，再從後面包抄佢。等佢前後吾可以接應。佢地一定會敗走。”（以前冷兵器時代，所謂既重型武器同我地現代既重型武器吾同，以前吾是火力重，是真是比較重既武器，一般都是特殊用途，平時上陣都好少拿出來。）
趙王決定用佢條計仔。派公孫乾、醫和兩個將軍，帶精兵兩萬先去走小路從兩側埋伏。然後派廉頗帶五萬人馬去漳河正面對敵。
廉頗騎馬與王翦對敵。（系呢度先講解一下，古代打仗，好多時候都是兩邊排好陣型，然後將軍先出來對打一下，再到D手下和兵仔出來打。如果甘唔好彩，一方既將軍被另一方既將軍殺左，個一方的軍隊基本上都吾使再打仗了。一是就投降，一是就四散逃走。）
廉頗講“你地秦國已經獨霸一國，同我地趙國無怨無仇。但是你地好多次來騷擾我地。是唔是想死。”
王翦講：“你地趙國只是偏邦小國，應該歸附我地大國。你吾諗下自己有有幾多斤兩，敢同我地作對。“
廉頗比佢激嬲，騎馬衝向王翦，兩個人打吾到三十個回合。廉頗就開始假扮吾掂水，要逃走。但是王翦又吾追佢。反而是王齕企系高處見到廉頗敗走，立即擊鼓叫D士兵追趕。王翦阻止佢，講：“廉頗吾是真是戰敗，小心有埋伏。”王齕無聽佢講，繼續叫D士兵追擊。都未追到十里路，就有人報告：“趙軍仕從兩路夾攻，已經攻破我地既寨營。搶曬我地D重型武器，連阿皇孫異人都比人捉左去啦” 王齕、王翦聽到嚇出一身冷汗。皇孫比人捉左，呢獲真是大劑。即刻調頭番去營救。廉頗見秦軍中計了。調頭殺翻過來。三面夾攻擊，大敗秦軍。
王齕、王翦走甩左，然後收拾D殘兵敗馬，翻去秦國請罪。
秦昭王知道自己既軍隊打敗仗，自己個孫都比人捉左去。真是又擔憂又激氣。想砍左王齕同王翦。好彩安國君幫佢地求情。王翦被貶為散騎（即是騎兵），王齕被貶為平民。
秦昭王和大臣商量，點樣救番皇孫番來。D大臣就講：“呢件事要慢慢來，不如寫封和解書去趙國，講下利弊。等我地滅左其他國家之後，佢地一個小國自然會歸附啦。到時皇孫自然就可以翻來了。”
秦昭王覺得呢條計仔吾錯。派左一個識得講野既人叫牛西帶和解書去趙國講和。
另一邊，廉頗大獲全勝，將皇孫異人押解番趙國去見趙王。趙王重賞廉頗同佢地既軍隊。然後叫人拖異人上來，想砍左佢。比藺相如阻止左，講：“如果砍左佢，就同秦國結仇，如果佢地加兵來打我地，我地真是永無寧日。不如將佢拘禁系呢度，做人質，甘樣秦國就吾會打我地。”D重要既人講野就是有牙力，兩三句就講服趙王。
幾日之後，牛西帶和解書來見趙王。趙王睇完和解書之後，同牛西講，秦國同我地本來是同宗同族，但是經常來騷擾我地。到我地捉左你地皇孫，你地先來講和。有無搞錯。本來你講咩野我都吾會聽，但是睇在我地兩國都有D血緣關係，等你地以後安守本分，吾再騷擾我地。我或者會考慮下放你地既皇孫番去。你就將我既話帶番去覆命就得了。
趙王命令公孫乾，將皇孫異人軟禁系公孫乾屋企，吾可以比佢有咩閃失，亦都吾可以拘禁得太嚴格，驚佢死埋。所有食宿費用都由公費開支。
公孫乾領命，將異人帶番屋企。當佢地騎馬經過街市個陣，街市個度有個人見到異人靚仔到無朋友，氣度不凡。於是忍唔住進左一句“奇貨可居”。其實大家基本上都知道是邊個講呢句話，不過都仲是要等下一章再同大家講。