83歲的百億富豪趙世曾風流大半生，但抱不婚主義，三個子女式芝、式浩和式正分別跟不同女友所生。長子趙式浩（Howard）曾被指遺傳爸爸風流個性，未夠30歲已與前女友Winnie Liu未婚誕下一子，日前Howard接受《蘋果》專訪，笑言：「出世第一日開始，我嘅原罪就係花心。」

爸爸多姿多采的私生活，作為兒子不敢評論太多，但Howard認為外界對趙世曾有太多誤解：「成日聽到人話有錢佬咩咩咩，但其實佢後生時好勤力打拼，辛酸唔通同你講咩。我覺得結唔結婚睇個人性格，對小朋友嚟講，當然想有完整家庭，但我都寧願要一個單親家庭，好過要見二媽、三媽、四媽，甚至對薄公堂。自己年紀大咗，睇番都啱，既然佢唔想定，就不如唔好定，投契就一齊，冇人攞刀行住你，想有小朋友就有小朋友，不負於另一半。」

數數手指，其實跟Howard傳過緋聞的女子不超過5個，一段還一段，沒有重疊。今年他決心定下來，，認為是人生必經階段。Howard透露二人在活動上認識，太太是政治版記者，接觸很多商界名人，思想比同齡女仔成熟，而且是個工作狂，他說：「冇叫佢唔好做，因為唔做嘢會同社會脫節。佢系政治版，去年社會運動都有落實地採訪，出過事，危險㗎，當時有同佢嘈過好多次，但冷靜落嚟，明白佢系熱愛呢份工，做到一箇中立而且專業嘅記者。講真做傳媒人工唔系特別高，起碼今日唔需要靠份糧支撐屋企，鐘意就繼續做，唔鐘意都有好多選擇。」

讀書時期打工賺零用

新婚妻沒有疊埋心水做豪門少奶，Howard亦非大眾想象的「離地」富豪第三代，笑言：「可能趙生（指自己）想做都做唔到紈褲子弟呢，哈哈！」Howard自幼跟爸爸生活，但趙世曾對兒子管教嚴，大學時已開始打工賺零用錢，「屋企好push我哋，唔系細個就可以『䟴䟴腳』，喺外國讀書時，屋企只會畀到基本生活費，要同朋友去旅行或食飯，就要自己打工，我都做過旅行社、銀行、補習社。男仔應該要硬淨啲，我大仔同個ex（前女友）一齊住，我都覺得佢應該要學習獨立啲。」

Howard擁有房地產管理學碩士學位，畢業返港第二日，已被安排返工打理家族生意，「好記得嗰日系漁人碼頭開業日子，同老竇食完餐飯，就叫我聽日返工做乜做乜。兩年後叫我『生生性性』畀個董事你做，奉獻多啲，準時返工，但其實我好早㗎嘞，系佢個鐘校快咗15分鐘啫，對我哋好有要求。」2011年，Howard自言受馬雲一番說話影響，決心走出comfort zone自立門戶，創立帝皇資本，多年來做物業投資、併購、建築工程、室內設計等。他承認一開始是「靠父幹」，但現在生意基本已上軌道，他續說：「自己size嘅專案都handle到，我又唔繫好似佢（爸爸）投個百幾二百億專案返嚟，都系做一啲併購舊樓或基金公司嘅生意，過程幾辛苦，但亦繫好好嘅磨練。如果有一日爸爸想我返去（卓能）做多啲，或將來我將自己生意交畀下一代，總之呢段時間學到嘅都系無價。」現由家姐趙式芝承父業，成為卓能集團副執行主席兼執行董事，而Howard則是公司的非執行董事，問到可擔心未來有爭產糾紛？他輕描淡寫說：「神自有安排。」

媽媽開Live㨘招牌

今年初，Howard更開拓網上購物平臺，主攻健康用品市場，早前找來媽媽、70年代女星盈盈（蔡珍妮）「復出」做直播，透露美國的小朋友已經長大，所以迴流返港，並視Howard如「細佬」。相比地產生意，網購似乎只是「蚊型」專案，Howard卻有另一番見解：「可能你哋覺得由趙式浩講幾好笑，但我係幾反對大財團壟斷，現在好多大型嘅網上平臺，其實上架宣傳費好貴，我都想幫到小商戶，又希望畀到客人信心；加上現在經濟環境咁差，如果維持到一個運作，亦可以幫到同事搵食，做到通贏局面。」開網購平臺僅數月，據悉已有公司欲洽購，看來Howard也是看準時機出擊。

趙式浩開拓網上購物平臺。

Howard自言受馬雲一番說話影響，決心走出「comfort zone」自立門戶。

趙式浩表示試過連續20小時工作。

趙式浩是船王趙從衍孫、百億富豪趙世曾的兒子，但沒有富豪三代架子。

趙式浩自爆學生年代已經要出外打工賺零用錢。

趙式浩找來媽媽盈盈「復出」，幫手推銷網上購物平臺。

趙世曾是不婚主義，三個仔女分別由三個女朋友所生。

三姊弟感情不俗。

趙式浩今年成家立室，早前與太太跟爸爸趙世曾、媽媽盈盈和大仔一家人食飯，享天倫樂。

趙式浩透露大仔跟前女朋友生活，但仍不時與兒子見面一齊玩。

趙式浩與新聞小花趙康如誕下一子。

趙式浩認為男人終要成家立室，今年與NowTV新聞小花趙康如結婚。

今年5月，趙式浩與大肚廖康如跟前妻所生的大仔和爸爸一齊食晚飯。

趙式浩認為結婚生仔是人生必經階段，一家三口，幸福滿瀉。

爺爺趙世曾見到孫仔笑逐顏開。

趙式浩自幼跟住爸爸生活，從小已經好獨立。

趙式浩是趙世曾與70年代藝人盈盈所生的兒子。

Howard擁有房地產管理學碩士學位。

趙式浩在外國生活時，已經要出外打工賺零用錢，絕非一般少爺仔。