組合Super Girls隊員Aka為克服被狗噬險毀容的陰影，偷偷再到流浪狗場當義工，雖然與狗狗接觸時勁緊張，但最終順利完成挑戰！
Aka再到狗場探訪，承諾會萬事小心。
最近單飛發展的歌手Aka，早前到狗場做義工時發生恐怖意外，被狗咬傷嘴唇要入院縫9針，從此對狗狗留下陰影。不過經過5個月的心理調整，加上新歌《Fearless》主題是挑戰自己，她日前不理家人反對，堅決再到狗場與「毛孩」近距離接觸，邊度跌底就邊度起番身！
當日戴上口罩的她甫到達狗場時，自言心情緊張，只隔住圍欄跟「毛孩」見面，隨後嘗試走近半身癱瘓的Bingo，可能因牠未戴上口罩，故Aka全程慢動作小心翼翼，先伸手讓對方習慣她的氣味，然後才輕撫其毛髮及摸牠的頭，成功交流後雀躍得擺出勝利及OK手勢。
專業人士傍實她透露出新歌后在網上接受了很多挑戰，受啟發下決心再嘗試接觸狗狗：「因為一直都好鐘意小動物，好多狗需要幫助，自己想身體力行影響多啲人關注佢哋。（怕再有意外？）有專業人士傍實會安心，所以行近Bingo時都不斷問佢哋應該點做嘅。」並指會繼續當狗義工發聲：「Bingo遇車禍後，醫生斷定系終身殘廢，本來要送去人道毀滅，好彩好心人救番佢，所以希望大家要小心揸車，留意身邊嘅小動物。」
Aka輕撫Bingo，恐懼一掃而空！
最新評論