曼聯前鋒拉什福德至少休戰6星期，部份傳媒更指福仔要休息3個月，雙紅會輸波後，索爾斯克亞對前鋒需求更加迫切，冬窗期間，現時轉會市場仲有邊幾位前鋒選擇？英國傳媒《鏡報》點出5位潛在人選，都可解曼聯燃眉之急。

1最完美頂替人選，肯定是巴黎聖日耳門烏拉圭射手卡瓦尼，該32歲前鋒已向PSG表達離隊意願，隨時可走，最有機會去馬體會，但對方出價不高，曼聯如果出手，絕對可以即籤即用。

2切爾西的吉魯，無論在阿森納或切爾西都是最佳後備殺手，隨時用得，而且吉魯為準備今夏歐國杯都希望爭取上陣，加盟曼聯會很拼。

3AC米蘭的皮亞特克，一度是意甲人氣王，但今季入球量下降，伊布加盟AC米蘭後，皮特亞克更被擠壓，曼聯想籤這位波蘭前鋒有機會得到。

4那不勒斯的洛倫特，擁有豐富英超經驗，上季更協助熱刺打入歐聯決賽，近期有報道指那不勒斯可以隨時放人，熱刺曾經想過找他回巢，但曼聯要的話，說不定洛倫特肯來。

5盧卡約維奇，今季加盟皇馬後好失敗，完全發揮不出，如果有球會收留，皇馬肯定會放人，曼聯籤他有賭博成份，如果有上賽季法蘭克福的表現，曼聯就大賺啦。