國際米蘭教練孔蒂鍾情英超兵，尤其特別喜歡曼聯球員，根據義大利傳媒爆料，國米已經同曼聯20歲新星鐘塔西達成個人待遇條款，他將於今夏以自由身加盟國際米蘭。

國米今季已經簽入盧卡庫、阿歷斯桑切斯、艾舒利楊格3位魔兵，今次又出手談鐘塔西，據悉雙方將於今夏簽約5年，這位荷蘭小國腳可以獲得3.5萬鎊週薪，如果可以領到所有獎金的話，平均週薪更可以達到5萬鎊，比曼聯開出的續約人工多一倍。

其實令鐘塔西最想離隊的原因，並非人工，而是由於現時缺乏上陣機會，今季於各項賽事，僅為曼聯上陣7次，而且主要都是踢盃賽，英超只有2次後備上陣，加上來只踢24分鐘，留隊實在睇唔到前景。由於鐘塔西有華裔血統，去到由中資擁有的國際米蘭，可能受到更多重視，而且教練孔蒂又鍾情英超兵，鐘塔西去國米應該好過留在曼聯。